Vikas Dubey – “An Encounter or Planned Murder” ?

vikas dubey encounter

Note:- Bohot ho gayi Media ki bakwaas, chalo discussion kare Chai-Sutte ke saath.

10 July subah ke 7 baje. Breaking News! Maara gaya Vikas Dubey. Waise kuch dino se Modi ji se jyada to Vikas ji Tv par dikh rahe the. Unka patta to “KATNA” hi tha, mere Modi ji se bada celebrity banne chala tha. Waise 9 July ko hi sabko pata tha ki Vikas Dubey ka encounter hona wala hai. Sabko pata tha ki agar Vikas babu Kanpur Court pahuch gaye to Sarkaari naukar se lekar Sarkaar ki bhi lanka laga denge. Well according to Desi Conspiracy Theory, Clash of Vikas babu’s team Vs Policemen ki baate leak ho gayi thi. Ha pata hai ki ye aapko pata hai. Iska mtlb to yahi hai ki Vikas babu ko police ka support tha, ha wahi corrupt police. Bina Netaji ke haath ke police waalo ka support to kutte ko bhi nhi milta. Neeche se lekar upar tak Vikas ji ko panaah dene waale log the. Agar Vikas Babu court pahuch jaate to pata nhi kis kis ko apni naukri aur kursi se haath dhona parta. Waise sirf Yogi sarkaar nhi jaati, peechle waali sarkaar ne bhi Vikas ji ko khub doodh pilaaya tha. Sab ke sab jaate, line se.

Chalo ab aate hai puraane bollywood movie ke scene par. MP police ne Vikas ji ko UP police ko handover kar diya. Aage aage police ka kaafila, peechhe peechhe bhukhi media ka kaafeela. Kanpur City me police ka kafila ghusa, media ke sabhi gaari ko rok diya gaya check point par. Reason diya gaya for verification purpose. Police ko kya lagta hai ki humaare maathe par kuch likha hai? Chhoro wo sab baat, aage kuch dur jaakar ek TUV300 road par palti milti hai. Ruko wo palti nhi, soyi huyi thi. Maano kisi ne pyaar se use leta diya ho. Aur Vikas ji ka encounter ho gaya. Dekho thulle bhai sahab, koi achchha story banaate to mai enjoy bhi karta but ek admara sa aadmi SUV palatne par bhi mast apki gun lekar bhaag gaya aur aap andar so rahe the..? Yaar jiska gun Vikas ji ne liya usko bolo resign de pehle. Special task force me aise nikamme nhi chaahiye. Chhoro but police ne bohot bakwaas story banaayi. Karan Johar ko phone karke story puchh lete, wo bekaar me depression me ja raha.

Humaari kaamchor media, savere se lagi thi ki police ne apna badla le liya. Abe ja, sabko pata hai ki tum log kisko bacha rahe ho. Badla 2 din baad le lete to kya jata? Chalo Vikas ji ke saath to sab information bhi chali gayi. Ab adhik se adhik kya hoga? Case chalega court me ki kya ye Genuine Encounter tha ya Fake Encounter/Murder tha? Sabko pata hai ye kya tha? Agar court me case hua bhi to 10-15 saal me faisla aa jaayega. Tab tak kisi ko shayad yaad bhi na rahe ki Kaun Vikas Dubey ????

Leave a Reply

Your email address will not be published. Required fields are marked *